Å søkje med KI

60-90 min

Å bruke KI-søk for å finne informasjon kan vere nyttig, men det har òg mange avgrensingar. Her jobbar elevane med KI-søk og reflekterer over sterke og veike sider med det.

Sist oppdatert 9. mars 2026.

Førebuing

Sjå gjennom elevsida og gjer deg klar til økta.

Elevside: Å søkje med KI

Gjennomføring

Introduser temaet og måla for timen. I løpet av økta skal elevane:

kjenne til korleis KI-søk fungerer
reflektere over kva styrkar og avgrensningar KI-søk har
diskutere sin eigen bruk av KI-søk

Oppstart

Start med å la elevane tenkje gjennom desse spørsmåla og notere seg nokre svar. Be dei vere ærlege, dei treng ikkje vise svara til nokon, men dei skal bruke dei seinare.

Kva trur du skjer når du stiller ChatGPT (eller ein annan språkmodell) eit spørsmål?
Kvar trur du informasjonen i svaret kjem frå?
Når tenkjer du det er greitt å bruke KI til skulearbeid – og når tenkjer du det ikkje er det?

Elevane gjer oppgåve 1

Elevane ser videoen og jobbar med oppgåvene.

Å søkje med KI (6:06)

Elevane gjer oppgåve 2

No skal elevane teste ut kor mykje dei hugsar frå ulike typar søk. Dei gjer denne oppgåva kvar for seg. Dei kan bruke KI-verktøyet til skulen, eller Google sitt AI-oversyn for oppgåve A.

Elevane startar med å opprette to tomme dokument før dei byrjar på oppgåvene.

Elevane gjer oppgåve 3

Elevane diskuterer bruken av KI-søk som verktøy.

A)

I kva situasjonar kan KI-søk vere eit godt verktøy? Når er det ikkje eit godt verktøy? Diskuter med læringspartnar.

Be elevane grunngje punkta sine.

Godt verktøy:

for å finne kjelder med nye synsvinklar
for å finne kjelder til konkrete, komplekse problemstillingar med mykje kontekst og detaljar, der det er vanskeleg å finne kjelder med eit vanleg søk
for å få ein idé om kva informasjon ein kan leite etter hjå ei kjelde
for å få kritiske spørsmål til ei oppgåve ein har jobba med

Dårleg verktøy:

dersom ein bruker den genererte teksten i staden for å lese kjelda sjølv
for å få informasjon om heilt ferske nyheiter (KI-søk kan bruke nokre minutt på å indeksere nye nettstader, slik at ein kan risikere at dei ikkje kjem opp i søket til programmet)
for å erstatte juridiske, økonomiske eller helserelaterte råd
når ein skal lære noko nytt, bør ein ikkje overlate kjeldevalet til eit KI-søk

Klassesamtale

No som det har gått nokre minutt, skal elevane sjå kor mykje dei hugsar frå oppgåve 2. Denne oppgåva kan gjerast skriftleg eller munnleg.

Be alle elevane lukke maskinene sine. Når dei har gjort det, ber du dei svare på spørsmåla:

Kva er dengufeber? Kva er symptomane, og korleis smittar det?
Kva er ebola? Kva er symptomane, og korleis smittar det?

Oppsummer i klassen etterpå. Var det nokon skilnad på kva elevane hugsa best? Var det nokon som hadde ulike svar?

Avslutning

La elevane sjå på det dei skreiv ned i starten av timen. Har dei endra meining på nokre av punkta? Oppmod dei til å dele med klassen.

Oppsummer oppgåve 3B i fellesskap. Samle gjerne dei beste spørsmåla frå klassen til ei felles sjekkliste eller flytskjema på veggen i klasserommet.

Alternativ

Kompetansemål

Samfunnsfag 10. trinn
Vurdere på kva måtar ulike kjelder gir informasjon om eit samfunnsfagleg tema, og reflektere over korleis algoritmar, einsretta kjelder eller mangel på kjelder kan prege forståinga vår.
- Undring og utforsking
- Samfunnskritisk tenking og samanhengar
- Demokratiforståing og deltaking
Medier og kommunikasjon
Innhente, vurdere og bearbeide relevante kilder i eget arbeid.
- Medieproduksjon
- Mediebevissthet

Tverrfaglige temaer

Demokrati og medborgerskap