Kva er omvendt bildesøk?
45-60 minI dette opplegget lærer elevane å bruke omvendt bildesøk som verktøy. Dei får erfare korleis verktøyet fungerer, kva slag informasjon dei kan finne, og når det er særleg nyttig å bruke det.
Gjennomføring
Introduser temaet og måla for timen. I løpet av økta skal elevane:
- kjenne til korleis ein gjer eit omvendt bildesøk
- diskutere når omvendt bildesøk kan vere nyttig
Del deretter ut elevsida.
Elevane gjer oppgåve 1
Elevane ser videoen og diskuterer spørsmåla i par. Oppsummer spørsmåla i fellesskap før elevane går vidare til neste oppgåve. Vis gjerne videoen på storskjerm.
Elevane gjer oppgåve 2
Elevane jobbar kvar for seg. Dei vel eitt av dei tre bilda, gjer eit omvendt bildesøk og svarer på spørsmåla. Dei noterer ned svara sine.
Elevane gjer oppgåve 3
Elevane søkjer med det same bildet i to andre søkjemotorar for bildesøk. Dei noterer ned eventuell ny informasjon dei finn.
Elevane gjer oppgåve 4
Elevane deler funna og notata sine med læringspartnar.
Avslutning
La gjerne nokre elevar vise fram bildet sitt og fortelje kva dei fann ut.
Oppsummer timen ved å gå gjennom måla på nytt:
- Korleis gjer ein eit omvendt bildesøk?
- Når kan det vere nyttig?
Alternativ
Kompetansemål
Samfunnsfag 10. trinn
Bruke samfunnsfaglege metodar og digitale ressursar i eigne undersøkingar, presentere funn ved bruk av digitale verktøy og drøfte kor gyldige og relevante funna er.
Samfunnskunnskap Vg1/Vg2
Utforske og presentere dagsaktuelle tema eller debatter ved å bruke samfunnsfaglege metodar, kjelder og digitale ressursar, og argumentere for sine eigne og andre sine meiningar og verdiar.
Medier og kommunikasjon
Innhente, vurdere og bearbeide relevante kilder i eget arbeid.
Norsk Vg2 YF
Bruke ulike kilder på en kritisk, selvstendig og etterrettelig måte.
Tverrfaglige temaer
- Demokrati og medborgerskap
- Bærekraftig utvikling